Танилцуулга: Үзэсгэлэнд зориулсан кураторын эсээ гэдэг нь үзэсгэлэнг олон нийтэд танилцуулах, утга агуулгыг нь тодорхойлох зорилготой бичсэн богино хэмжээний эрдэм шинжилгээний бичвэр юм. Энэ эсээ нь үзэсгэлэнгийн концепц, сэдэв болон ач холбогдлыг тайлбарлаж, дэлгээстэй байгаа бүтээлүүдийг яагаад сонгож байршуулсан болохыг өгүүлдэг. Тус эсээнд уран бүтээлчийн (уран бүтээлчдийн) тухай товч мэдээлэл, хувийн, түүхэн болон соёлын онцлог нөхцөл байдлууд, мөн уран бүтээлчийн хөндөж буй гол асуулт болон үзэсгэлэн хэрхэн бүтсэн өгүүлэмжүүдийг багтаасан байж болно. Ийм замаар куратор нь үзэгчдэд үзэсгэлэнгийн утгыг нь тулгаж заахгүйгээр, бие даан ойлгох, таашаах, хүртэх боломжийг нээж өгдөг. Кураторын эсээг ихэвчлэн үзэсгэлэнгийн танхимын хана, каталог эсвэл цахим хуудсанд байршуулдаг бөгөөд үзэсгэлэн болон үзэгчдийг холбох харилцааны амин чухал гүүр болдог.
Үндсэн дараалал: Ярилцлага, судалгаа, ярилцлага, бичвэр, ярилцлага, бичвэрийг эцэслэн хянан тохиолдуулах
Бэлдэж өгөх материалууд: CV намтар (Word файл), үзэсгэлэнгийн бүх бүтээлийн (явцын зургууд байж болно) зурган файлууд (jpeg файл), бүтээлүүдийн тайлбарууд (хэрвээ байгаа бол, байхгүй бол ярилцлагын үеэр авч болно) болон бусад хамааралтай нэмэлт мэдээллүүд. Та үзэсгэлэнгийн бүтээлүүдийн гүйцэтгэл 70 хувьтай болсон үед бичвэрийн захиалга өгнө үү.
Хэдэн удаа ярилцлага авах шаардлагатай эсэх: 3 удаа (5-6 цаг)
Шаардагдах хугацаа: 60 хоног (яаралтай богино хугацаанд хийлгэнэ гэвэл төлбөрийн нэмэгдэлтэй)
Үгийн тоо: 800-900 үг
Хэл: Англи, Монгол
Хэрэглээний хугацаа: Дараагийн бие даасан үзэсгэлэн гарах хүртэл буюу 2-4 жил. Мөн өргөн утгаараа дараагийн үзэсгэлэнгээс гадна бүтээлч карьерийн замналд эерэгээр нөлөөлж, урт хугацааны туршид цахим түүхийг (eng.digital footprint) интернетэд бий болгох бөгөөд Англи хэлнээс дэлхийн 200 гаруй хэлээр орчуулагдан уншигдах боломжтой юм.
Баталгаа: Танд бичвэрийг бичихдээ хиймэл оюун ухааны аль нэг аппыг ашиглаагүй, "эх бичвэр" гэсэн баталгааг гаргаж өгнө.
Чиглүүлэгч экспертийн тухай: Др.Ц.Цэндпүрэв нь контемпорэри урлагийн онол болон практик, концептуал буюу сэтгэлгээний урлагийн онол, орчин үеийн гэрэл зураг, медиа арт болон хавсарсан чиглэлүүдээр мэргэшсэн уран бүтээлч, чөлөөт куратор, урлаг судлаач юм. Тэрээр Их Британийн Лийдс Беккеттийн Их Сургуулийн Докторын зэрэг хамгаалсныхаа дараа (2013), Дүрслэх Урлагийн Дээд Сургуулийн Магистрантурт хичээлүүд зааж (2013-2015), контемпорэри урлаг, бүтээлийн концепц, дүрслэх урлагийн онол, урлаг судлалын судалгааны ур чадварыг Ванжил Арт Институтээр (2012-2022) дамжуулан дотоодын залуу уран бүтээлчид, кураторууд, урлагийн мэргэжилтнүүдэд эзэмшүүлэх зорилготой ажилласан. 2022 оноос хойш ХБНГУ-д мэргэжлээрээ ажиллаж байгаа болно.
Зургийн тайлбар: Уран бүтээлч С. Шүрэнцэцэгийн хөрөг зураг, хувийн цуглуулга. Тус үзэсгэлэнгийн кураторын бичвэрийг Монгол, Англи хэлээр дараах линкүүдээс уншина уу.
Female Forms of Resilience in Shurentsetseg’s Art: Reclaiming Your Agency Through Painting Process
©2025 Цэгмидийн Цэндпүрэв. Тус үйлчилгээний агуулга, хэлбэр, тайлбар зохиогчийн эрхийн хуулиар хамгаалагдсан. Зохиогчийн зөвшөөрөлгүйгээр ямар нэг хэлбэрээр хэвлэн нийтлэх, зөвшөөрөл авахгүйгээр ашиглахыг хатуу хориглоно.
