Танилцуулга: Хувь уран бүтээлч, урлаг судлаач, урлагийн мэргэжилтэн, гэрэл зурагчин, гэрэл зургийн уран бүтээлчийн хөгжил, дунд хугацааны карьерт анхаарч, эерэг өөрчлөлт гаргахад чиглүүлнэ. Ментор нь мэргэжил, мэргэшил, туршлага дээрээ тулгуурлаж, үйлчлүүлэгчтэй хамтран ажиллаж, ажиглалт хийж, талууд харилцан зөвшөөрсөн төлөвлөөний дагуу зөвлөж ажиллана.
Хугацаа, давтамж: Энэ бол 120 минут үргэлжлэх нэг удаагийн цахим зөвлөх үйлчилгээ юм. Хэрвээ талууд харилцан зөвшилцөөд, удаан хугацаанд мэргэжлийн харилцаатай байна гэвэл талуудын нөхцлүүдийг тусгасан гэрээ хийж төлбөрийн хөнгөлөлт эдлэх боломжтой. Гэрээ байгуулахын тулд доод тал нь 20 цагийн үйлчилгээг нэг жилийн хугацаатай авах хэрэгтэй.
Чиглүүлэгч менторын тухай: Др.Ц.Цэндпүрэв нь контемпорэри урлагийн онол болон практик, концептуал буюу сэтгэлгээний урлагийн онол, орчин үеийн гэрэл зураг, медиа арт болон хавсарсан чиглэлүүдээр мэргэшсэн уран бүтээлч, чөлөөт куратор, урлаг судлаач юм. Тэрээр Их Британийн Лийдс Беккеттийн Их Сургуулийн Докторын зэрэг хамгаалсныхаа дараа (2013), Дүрслэх Урлагийн Дээд Сургуулийн Магистрантурт хичээлүүд зааж (2013-2015), контемпорэри урлаг, бүтээлийн концепц, дүрслэх урлагийн онол, урлаг судлалын судалгааны ур чадварыг Ванжил Арт Институтээр (2012-2022) дамжуулан дотоодын залуу уран бүтээлчид, кураторууд, урлагийн мэргэжилтнүүдэд эзэмшүүлэх зорилготой ажилласан. 2022 оноос хойш ХБНГУ-д мэргэжлээрээ ажиллаж байгаа болно.
Зургийн тайлбар: Залуу уран бүтээлч Ц.Анударийн бие даасан үзэсгэлэнгийн дэглэлт дээр ажиллаж байгаа нь, 2021 оны 2-р сар, Зургийг Noise Art Media. Тус үзэсгэлэнгийн төслийн тухай дэлгэрэнгүй мэдээлэл болон кураторын бичвэрийг Монгол, Англи хэлээр дараах линкүүдээс уншина уу.
Below + Me: The Unsettling Unity of Fear and Creativity in Anudari Tsolmon’s Debut Exhibition
©2025 Цэгмидийн Цэндпүрэв. Тус үйлчилгээний агуулга, хэлбэр, тайлбар зохиогчийн эрхийн хуулиар хамгаалагдсан. Зохиогчийн зөвшөөрөлгүйгээр ямар нэг хэлбэрээр хэвлэн нийтлэх, зөвшөөрөл авахгүйгээр ашиглахыг хатуу хориглоно.
