Танилцуулга: Тус үйлчилгээний гол зорилго бол тухайн уран бүтээлчийн сүүлийн 5 жилийн турш хийсэн бүтээлүүд дээр анализ хийх, ирэх 5 жилийг багцлан харж, хөгжүүлэх шаардлагатай талууд болон уран бүтээлчийн замналаа хэрхэн хөгжүүлэх замуудыг тодорхойлох юм. Та тус шүүмжийг туршлагатай экспертээс авснаар, өөрийн бодитой түвшинг тодорхойлуулж, ямар зүйлийг анхаарах, өөрийн давуу болон сул талуудыг олж мэдэх бөгөөд дэлгэрэнгүй анализыг бичгээр хүлээж авна.
Хугацаа, давтамж: Энэ бол нэг удаагийн үйлчилгээ бөгөөд нийт ажлын 7 хоногт багтаан дуусгах боломжтой.
Экспертийн тухай: Др.Ц.Цэндпүрэв нь контемпорэри урлагийн онол болон практик, концептуал буюу сэтгэлгээний урлагийн онол, орчин үеийн гэрэл зураг, медиа арт болон хавсарсан чиглэлүүдээр мэргэшсэн уран бүтээлч, чөлөөт куратор, урлаг судлаач юм. Тэрээр Их Британийн Лийдс Беккеттийн Их Сургуулийн Докторын зэрэг хамгаалсныхаа дараа (2013), Дүрслэх Урлагийн Дээд Сургуулийн Магистрантурт хичээлүүд зааж (2013-2015), контемпорэри урлаг, бүтээлийн концепц, дүрслэх урлагийн онол, урлаг судлалын судалгааны ур чадварыг Ванжил Арт Институтээр (2012-2022) дамжуулан дотоодын залуу уран бүтээлчид, кураторууд, урлагийн мэргэжилтнүүдэд эзэмшүүлэх зорилготой ажилласан. 2022 оноос хойш ХБНГУ-д мэргэжлээрээ ажиллаж байгаа болно.
Үйлчилгээний дэс дараалал:
- Та үйлчилгээг худалдан авч, төлбөрөө төлж баталгаажуулна. Тэгээд сүүлийн 5 жилийн хугацаанд хийсэн 10 бүтээлийн зургуудыг (зургийн файл 1мб-аас доошгүй, тайлбар байгаа бол мөн явуулах) dr.tsegmid.art@gmail.com цахим шуудан руу илгээнэ.
- Эксперт таны явуулсан бүтээлүүдэд анхан шатны дүгнэлт хийгээд ажлын 3 хоногийн дотор тантай холбогдож, Зүүм онлайн ярилцлага хийнэ.
- Эксперт ажлын 4 хоног дотор анхан шатны дүгнэлт, уулзалтын тэмдэглэл болон ажиглалтыг нэгтгэн бичиж, шүүмжийг цахимаар илгээнэ.
